Започнаа градежните активности за реконструкција на административната зграда во општина Кочани

Започнуваат градежните активности за реконструкција и адаптација на административната зграда во општина Кочани во рамките на проектот “Зелени згради за заедничка зелена иднина-ГРЕЕН”, финансиран од Првиот повик на Интеррег – ИПА Програмата за прекугранична соработка помеѓу Р. Бугарија – Р. Македонија
Во рамките на проектот “Зелени згради за заедничка зелена иднина-ГРЕЕН” се започна со реализација на главната активност од проектот, градежни работи на административната зграда на Општина Кочани и промена на нејзината енергетска ефикасност од класа D во класа B. На 17ти Мај 2017 година во Општина Кочани, претставници од Центарот за развој на Источен плански регион како носител на проектот и Општина Кочани како партнер во проектот оддржаа координативен состанок со избраниот Изведувач на градежните работи компанијата “Анoл Импекс” – Скопје и фирмата одговорна за вршење на стручен надзорот над објектот „Студио Атриум“ – Штип со цел официјално воведување во работа на изведувачот, разгледување на објектот од страна на стручните лица и дискусија околу динамичкиот план за изведување на работите. Во текот на наредните месеци треба да се изврши промена на фасадата, комплетна промена на надворешните прозори и врати, реконструкција на кровот, изградба на зелен кров на новата зграда како единствен репрезентативен примерок во регионот, поставување на лифт и адаптација на тоалети за лица со физички хендикеп.

Проектот „Зелени згради за заедничка зелена иднина“ е финансиран од Интерег ИПА – Програмата за прекугранична соработка помеѓу Р. Бугарија – Р. Македонија, Центарот за развој на Источниот плански регион е Водечки партнер во соработка со Обласната администрација Благоевград, партнер во проектот.

Со проектот се промовира соработка и нови иновативни практики во делот на заштита и зачувување на животната средина преку употреба на нови технологии и мерки во текот на реализацијата, размена на искуства и најдобри практики помеѓу двата региони. Крајниот рок за завршување на активностите во рамки на проектот ГРЕЕН е 18 Октомври 2018 година.